ବରଗଡ(ନିରଞ୍ଜନ ତ୍ରିପାଠୀ) -:
ଏହି ଅବସରରେ ଉତ୍ତମ ଗ୍ରାମ ପଞ୍ଚାୟତର ସରପଞ୍ଚ ତଥା ପ୍ରକୃତି ବନ୍ଧୁ ଶ୍ରୀଯୁକ୍ତ ହୀରାଧର ସାହୁଙ୍କୁ ବିଦ୍ୟାଳୟ ତରଫରୁ ସବୁଜ ବିପ୍ଲବୀ ଭାବରେ ସମ୍ବର୍ଦ୍ଧନା ଜ୍ଞାପନ କରାଯାଇଥିଲା । କାର୍ଯ୍ଯକ୍ରମ ଆରମ୍ଭରେ ବିଦ୍ୟାଳୟର ଅଭିଭାବକ, ଅଭିଭାବିକା, ଶିକ୍ଷକ,ଅତିଥି ଏକ ସଚେତନତା ରେଲି କରିଥିବା ବେଳେ ଗଙ୍ଗେଇ ଛକଠାରୁ ବୃକ୍ଷ ରୋପଣ କାର୍ଯ୍ୟ ଆରମ୍ଭ କରିଥିଲେ । ଏଥିରେ ଶତାଧିକ ମହିଳା ସାମିଲ ହୋଇ ସମସ୍ତେ ଗୋଟିଏ ଲେଖାଁଏ ଚାରା ରୋପଣ କରିଥିଲେ । ଆଦର୍ଶ ବିଦ୍ୟାଳୟରେ ଏ ବର୍ଷ ନାମ ଲେଖାଇଥିବା ତୁଷାର, ଡିଲେଶ୍ବର, କରିଶ୍ମା ଓ ଲଲିତାକୁ ମଧ୍ଯ ସମ୍ମାନୀତ କରାଯାଇଥିଲା ।
ଏହା ସହ ସପ୍ତାହ ସାରା ଅନୁଷ୍ଠିତ ହୋଇଥିବା କୁଇଜ୍, ଚିତ୍ରାଙ୍କନ, ବକ୍ତୃତା, ପୋଷ୍ଟର ପ୍ରତିଯୋଗିତା, ପ୍ଲାଷ୍ଟିକ ବୋତଲରେ ଗଛ ତିଆରି ଆଦି ପ୍ରତିଯୋଗିତାରେ କୃତି ଅର୍ଜନ କରିଥିବା ବିଦ୍ୟାର୍ଥୀଙ୍କୁ ଟ୍ରଫି ସହ ସମ୍ମାନୀତ କରାଯାଇଥିଲା । ବିଦ୍ୟାଳୟର ଆଦର୍ଶ ଶିକ୍ଷାର୍ଥୀ ଭାବରେ ପଞ୍ଚମ ଶ୍ରେଣୀର ମାମି ଦୁଆନଙ୍କୁ ସମ୍ବର୍ଦ୍ଧିତ କରାଯାଇଥିଲା । ଶିକ୍ଷା ସାରଥୀ କମଳିନୀ, ଝରଣା, ନାରାୟଣୀ, ରଜନୀ, ରୀତା, ଅଞ୍ଜଳୀ ମୁଖ୍ଯ ଭୂମିକା ନିର୍ବାହ କରିଥିଲେ । ଏହି ମହୋତ୍ସବରେ ବିଦ୍ୟାଳୟ ପରିଚାଳନା କମିଟୀର ଚେୟାରମେନ ଶ୍ରୀଯୁକ୍ତ ଜୟରାମ ଗହୀର ସଭାପତିତ୍ବ କରିଥିବା ବେଳେ ପ୍ରଧାନଶିକ୍ଷକ ଶ୍ରୀଯୁକ୍ତ ରୋହିତ କୁମାର ଭୁଏ କାର୍ଯ୍ୟକ୍ରମ ପରିଚାଳନା ସହ ଧନ୍ୟବାଦ ଅର୍ପଣ କରିଥିଲେ । ପରିଶେଷରେ ସମସ୍ତେ ଭୋଜନ ଗ୍ରହଣ କଲାପରେ ବନମହୋତ୍ସବ ଉଦଯାପିତ ହୋଇଥିଲା ।