ରାଷ୍ଟ୍ରପତିଙ୍କୁ ମିଳେ ସର୍ବାଧିକ ଦରମା ହେଲେ ଲାଗେନି ଟ୍ୟାକ୍ସ, କଣ କଣ ସୁବିଧା ମିଳେ ଆସନ୍ତୁ ଜାଣିବା

ଏନ୍‌ଡିଏ ପ୍ରାର୍ଥୀ ଦ୍ରୌପଦୀ ମୁର୍ମୁ ଭାରତର ୧୫ତମ ରାଷ୍ଟ୍ରପତି ଭାବେ ନିର୍ବାଚିତ ହୋଇଛନ୍ତି। ସେ ପ୍ରତିଦ୍ୱନ୍ଦ୍ୱିତାରେ ବିରୋଧୀ ପ୍ରାର୍ଥୀ ଯଶଓ୍ଵନ୍ତ ସିହ୍ନାଙ୍କୁ ମାତ୍‌ ଦେଇଛନ୍ତି। ବର୍ତ୍ତମାନର ରାଷ୍ଟ୍ରପତି ରାମନାଥ କୋବିନ୍ଦଙ୍କ କାର୍ଯ୍ୟକାଳ ୨୪ ଜୁଲାଇରେ ଶେଷ ହେବ। ଦ୍ରୌପଦୀ ମୁର୍ମୁ ରାଷ୍ଟ୍ରପତି ହେବାରେ ଦେଶର ପ୍ରଥମ ଆଦିବାସୀ ଏବଂ ଦ୍ୱିତୀୟ ମହିଳା ହୋଇଛନ୍ତି। ମୁର୍ମୁ ୨୫ ଜୁଲାଇରେ ରାଷ୍ଟ୍ରପତି ରୂପେ ଶପଥ ଗ୍ରହଣ କରିବେ। କିନ୍ତୁ କ’ଣ ଆପଣ ଜାଣିଛନ୍ତି କି, ଦେଶର ରାଷ୍ଟ୍ରପତିଙ୍କ ଦରମା କେତେ ହୋଇଥାଏ ଏବଂ ତାଙ୍କୁ କ’ଣ କ’ଣ ସୁବିଧା ଓ ଭତ୍ତା ମିଳିଥାଏ? ଆସନ୍ତୁ ଜାଣିବା ଏ ବିଷୟରେ…

୨୦୧୮ ଅକ୍ଟୋବରରେ ଭାରତର ରାଷ୍ଟ୍ରପତିଙ୍କ ଦରମା ୧.୫ ଲକ୍ଷରୁ ବଢ଼ି ୫ ଲକ୍ଷ ଟଙ୍କା ପ୍ରତି ମାସ ହୋଇଥିଲା। ରାଷ୍ଟ୍ରପତିଙ୍କୁ ମେଡିକାଲ ଏବଂ ହାଉସିଂ ଭଳି ସୁବିଧା ମିଳିଥାଏ। ଏହା ବ୍ୟତୀତ ଯେତେବେଳେ ତାଙ୍କ କାର୍ଯ୍ୟକାଳ ଶେଷ ହୋଇଥାଏ, ଏହାପରେ ପ୍ରତି ମାସରେ ୧.୫ ଲକ୍ଷ ଟଙ୍କା ପେନ୍‌ସନ ମିଳିଥାଏ।

ରାଷ୍ଟ୍ରପତିଙ୍କୁ ମିଳୁଥିବା ସୁବିଧା …

• ରାଷ୍ଟ୍ରପତିଙ୍କୁ ୫ ଲକ୍ଷ ଟଙ୍କା ମାସିକ ଦରମା ମିଳିଥାଏ, ଯାହା ସମ୍ପୂର୍ଣ୍ଣ ଭାବେ ଟ୍ୟାକ୍ସ ଫ୍ରି ହୋଇଥାଏ।

• ତାଙ୍କ ମେଡିକାଲ ଟ୍ରିଟ୍‌ମେଣ୍ଟ ଏବଂ ଯାଞ୍ଚ ମାଗଣା ହୋଇଥାଏ।

• ରାଷ୍ଟ୍ରପତି ଭବନ ୩୨୦ ଏକର ଜମିରେ ପରିବ୍ୟାପ୍ତ ହୋଇଛି, ଯେଉଁଥିରେ ୩୪୦ଟି କୋଠରୀ ରହିଛି।

• ଯାତାୟାତ ପାଇଁ ରାଷ୍ଟ୍ରପତିଙ୍କୁ ଏକ ସ୍ୱତନ୍ତ୍ର କାର (ମର୍ସିଡିଜ୍‌ ବେଞ୍ଜ୍‌ ଏସ୍‌ ୬୦୦) ମିଳିଥାଏ।

• ରାଷ୍ଟ୍ରପତି ଭବନର କର୍ମଚାରୀମାନଙ୍କ ଦରମା ବି ମଧ୍ୟ ମୋଟା ବଜେଟ୍‌ ଆବଣ୍ଟିତ ହୋଇଥାଏ।

• ରାଷ୍ଟ୍ରପତିଙ୍କୁ ଦୁଇଟି ଲ୍ୟାଣ୍ଡଲାଇନ ଏବଂ ଗୋଟିଏ ମୋବାଇଲ ଫୋନ ମିଳିଥାଏ, ଯାହାକି ଫ୍ରି ହୋଇଥାଏ।

• ରାଷ୍ଟ୍ରପତିଙ୍କ ସୁରକ୍ଷାକର୍ମୀ ବହୁତ ଶକ୍ତିଶାଳୀ ହୋଇ ଥାଆନ୍ତି। ରାଷ୍ଟ୍ରପତିଙ୍କ ଅଙ୍ଗରକ୍ଷକ ତାଙ୍କ ସହିତ ନଜର ଆସନ୍ତି।

• ରାଷ୍ଟ୍ରପତିଙ୍କ ଅଙ୍ଗରକ୍ଷକଙ୍କୁ ରାଷ୍ଟ୍ରପତି ବଡିଗାର୍ଡ କୁହାଯାଇଥାଏ, ଯାହାଙ୍କ ସଂଖ୍ୟା ୮୬ ହୋଇଥାଏ।

• ସହଯୋଗୀଙ୍କ ସହିତ ରାଷ୍ଟ୍ରପତି ମାଗଣା ବିମାନ ଯାତ୍ରା ଏବଂ ରେଳ ଯାତ୍ରା କରି ପାରିବେ।