କୁଇ ଭାଷା ସାହିତ୍ୟ ସମିତି ଓ କୁଇ ସମାଜ ଯୁବପରିଷଦ ତରଫରୁ ସାହିତ୍ୟ ଆସର

କନ୍ଧମାଳ ( ମୃତ୍ୟୁଞ୍ଜୟ ଦିଗାଲ) -: କନ୍ଧମାଳ ଜିଲ୍ଲାର କୁଇ ଭାଷା ସାହିତ୍ୟ ସମିତି ଓ କୁଇ ସମାଜ ଯୁବପରିଷଦର ମିଳିତ ଆନୁକୁଲ୍ୟରେ କୁଇ ଭାଷା ସାହିତ୍ୟ ଆସର । ସୂଚନା ପ୍ରକାରେ ଆଜି କୁଇ ଭାଷା କୁ ସୁରକ୍ଷା ଦେବାକୁ ଦୀର୍ଘଦିନ ହେବ ରେଜିଷ୍ଟ୍ରେସନ ହୋଇ ପରିଚାଳିତ ହେଉ ଥିବା କୁଇ ଭାଷା ସାହିତ୍ୟ ସମିତି କନ୍ଧମାଳ ଓଡ଼ିଶା ଓ କୁଇ ସମାଜ ଯୁବପରିଷଦ କନ୍ଧମାଳ ତରଫରୁ ଫୁଲବାଣୀ ଅନ୍ତର୍ଗତ ସାର୍ତ୍ତାଗୁଡା ଠାରେ କୁଈ ଭାଷା ସାହିତ୍ୟ ଆସର ଏବଂ ସଚେତନତା କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଉକ୍ତ କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅବସରପ୍ରାପ୍ତ ଶ୍ରୀରାଘବ ମଲିକ ଯୋଗଦେଇ ଥିଲେ । କୁଈ ଭାଷା ସଂସ୍କୃତି ପରମ୍ପରା କିିପରି ବଜାୟ ରହିବ ତାହା ଆଲୋଚନା କରାଯାଇଥିଲା ବେଳେ ବିଭିନ୍ନ ବିଷୟରେ ସଚେତନ କରାଯାଇ କବିତା ପଠନ ଏବଂ ସାଂସ୍କୃତିକ କାର୍ଯ୍ୟକ୍ରମ କରାଯାଇଥିଲା ।

ଏଥିରେ କୁଇ ଭାଷା ସାହିତ୍ୟ ସମିତି ସଭାପତି ସଭାପତି ଶ୍ରୀ ଦୀନବନ୍ଧୁ କହଁର, ସାଧାରଣ ସମ୍ପାଦକ ଡଃ ନିରଦଚନ୍ଦ୍ର କହଁର, ସହ ସମ୍ପାଦକ ଗଣପତି ମଲିକ ,ଦନରା ପ୍ରଧାନ,କୁଇ ସମାଜ ସେବା ସମିତି ସଭାପତି ସୁଦର୍ଶନ କହଁର , କୁଇ ସମାଜ ଯୁବପରିଷଦ କନ୍ଧମାଳ ଉପସଭାପତି ମଙ୍ଗରାଜ ପ୍ରଧାନ ସହ କୋଷାଧ୍ୟକ୍ଷ ଭାବିନ୍ଦ୍ର କହଁର ସମେତ ଅର୍ଜୁନ କହଁର, ଏସିଆ କହଁର,ଉତ୍ତମ କହଁର, ବିଷ୍ଣୁ ଚରଣ ମଳିକ ଏବଂ ବହୁ କବି ସମାଜ ପ୍ରେମୀ ଭାଷା ପ୍ରେମୀ ଉପସ୍ଥିତ ଥିଲେ । ସମୁଦାୟ ୫୦ ଜଣ କୁଇ କବି ନିଜର ସ୍ବରଚିତ କବିତା ପଠନ କରିଥିଲେ । ଗ୍ରୁପ୍ ସାଂସ୍କୃତିକ ନୃତ୍ୟ ପ୍ରଦର୍ଶନ କରାଯାଇଥିଲା । ଶେଷରେ କୁଇଦିନା ନାମକ ପତ୍ରିକା ଉନ୍ମୋଚନ କରାଯାଇ ସମସ୍ତ କୁଈକବି ଓ ସାଂସ୍କୃତିକ ସଦସ୍ୟ ସଦସ୍ୟା ମାନଙ୍କୁ ଅତିଥି ଏବଂ ସଂଗଠନର କର୍ମ କର୍ତ୍ତା ଙ୍କ ହସ୍ତରେ ପ୍ରମାଣ ପତ୍ର ସହ ସମ୍ମାନୀତ କରାଯାଇଥିଲା