ଏକା ଏକା …

କବି – ଆଚାର୍ଯ୍ୟ କ୍ଷିତୀଶ ଜେନା

ଏକା ଏକା କାମ କଲେ
ନହୁଏ ସହଜ
ଏକା ଏକା ବୁଲିବାରେ
ନଥାଏ ମଉଜ ।
ଏକା ଏକା କହି ଦେଲେ
ହୁଏନି ସେ ବଡ଼

ଏକା ଏକା ଜୟ କରି
ପାରେନି କେ ଗଡ଼ ।
ଏକା ଏକା ପଥିକକୁ
ଲାଗେ ପଥ ଦୂର
ଏକା ଏକା ଯାତ୍ରା କଲେ
ଥାଏ ମନେ ଡର ।
ଏକା ଏକା ଥିଲେ ଦୁଃଖ
ଲାଗେ ଭାରି ଭାରି
ଏକା ଏକା ଖାଅ ନାହିଁ
ପଞ୍ଚ ମୁଖେ ହରି ।
ଏକା ଏକା ନଦୀ ଯାଇ
ପହଁରିବା ନାହିଁ

ଏକା ଏକା ଲଢ଼ ନାହିଁ
ଏକା ବୋକା ଭାଇ ।
ଏକା ଏକା ଚରୁଥିଲେ
ଛେଳିଙ୍କୁ ବିପଦ
ଏକା ଏକା ବଣେ ଗଲେ
ହୋଇପାରେ ମନ୍ଦ ।
ଏକା ଏକା ଘରେ ଥିଲେ
ଗୃହ ଲାଗେ ଶୂନ୍ୟ
ଏକା ଏକା ଜୀଇଁବାରେ
ବୃଥା ଏ ଜୀବନ ।

କଣ୍ଟିଗଡ଼ିଆ, ଧର୍ମଶାଳା, ଯାଜପୁର
ମୋ-୭୮୭୩୫୧୦୦୨୭