ଇନ୍ଦୋର -: ମଧ୍ୟପ୍ରଦେଶର ଏକ ଘରୋଇ ବିଶ୍ୱବିଦ୍ୟାଳୟ (ଭିଆଇଟି ଭୋପାଳ)ରେ ହନୁମାନ ଚାଳିଶା ପଢ଼ିଥିବାରୁ ୭ ଜଣ ଛାତ୍ରଙ୍କ ଉପରେ ୫୦୦୦ ଟଙ୍କା ଲେଖାଏଁ ଜରିମାନା ଲଗାଯାଇଛି | ଏହି ଘଟଣା ସାମ୍ନାକୁ ଆସିବା ପରେ ରାଜ୍ୟ ସରକାର ଜିଲ୍ଲାପାଳଙ୍କୁ ଯାଞ୍ଚ କରିବାକୁ ନିର୍ଦ୍ଦେଶ ଦେଇଛନ୍ତି । ତେବେ ଏହି ପଦକ୍ଷେପକୁ ନେଇ ମଧ୍ୟପ୍ରଦେଶର ଗୃହମନ୍ତ୍ରୀ ନରୋତ୍ତମ ମିଶ୍ର ବିଶ୍ୱବିଦ୍ୟାଳୟ ଉପରେ ଖପ୍ପା ହୋଇ କହିଛନ୍ତି ଯେ ଜରିମାନା ଆଦାୟ କରାଯାଇପାରିବ ନାହିଁ | ସେ ଏହା ମଧ୍ୟ କହିଛନ୍ତି ଯେ ଯଦି ହନୁମାନ ଚାଳିଶା ଭାରତରେ ପଢ଼ାଯିବ ନାହିଁ, ତେବେ ଏହାକୁ କେଉଁଠାରେ ପଢ଼ାଯିବ? ନରୋତ୍ତମ ମିଶ୍ର କହିଛନ୍ତି ଯେ ଜରିମାନା ଦେବାକୁ ପଡିବ ନାହିଁ।
ଆମେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷଙ୍କୁ ନିର୍ଦ୍ଦେଶ ଦେଇଛୁ ଯେ ହନୁମାନ ଚାଳିଶା ପଢିଥିଲେ କୌଣସି ଜରିମାନା ଆଦାୟ କରାଯାଇପାରିବ ନାହିଁ | ଏହି ଘଟଣାକୁ ନେଇ ବିସ୍ତୃତ ଅନୁସନ୍ଧାନ କରିବାକୁ ଜିଲ୍ଲାପାଳଙ୍କୁ ନିର୍ଦ୍ଦେଶ ଦିଆଯାଇଛି’ । ସୂଚନା ଥାଉ କି ଭୋପାଳର ଭେଲୋର ଇନଷ୍ଟିଚ୍ୟୁଟ୍ ଅଫ୍ ଟେକ୍ନୋଲୋଜି (ଭିଆଇଟି) ର ଦ୍ୱିତୀୟ ବର୍ଷର ବି.ଟେକ୍ ଛାତ୍ରମାନେ ଅଭିଯୋଗ କରିଛନ୍ତି ଯେ ହଷ୍ଟେଲରେ ୨୦ ଜଣ ଛାତ୍ର ମଙ୍ଗଳବାର ଦିନ ହନୁମାନ ଚାଳିଶା ପାଠ କରିଥିଲେ । କିଛି ଛାତ୍ର ଏ ବିଷୟରେ ଅଭିଯୋଗ କରିଥିଲେ। କୁହାଯାଉଛି ଯେ ଏହା ପରେ ମ୍ୟାନେଜମେଣ୍ଟ ୭ ଜଣ ଛାତ୍ରଙ୍କ ଉପରେ ୫ ହଜାର ଟଙ୍କା ଜରିମାନା ଲଗାଇଥିଲା । ଏହି ଘଟଣା ଗଣମାଧ୍ୟମର ନଜରକୁ ଆସିବା ପରେ ସରକାର ତୁରନ୍ତ ପଦକ୍ଷେପ ନେଇ ବିଶ୍ୱବିଦ୍ୟାଳୟକୁ ଜରିମାନା ସଂଗ୍ରହ କରାଯାଇପାରିବ ନାହିଁ ବୋଲି ନିର୍ଦ୍ଦେଶ ଦେଇଛନ୍ତି।
