ପାକିସ୍ତାନ ପ୍ରଧାନମନ୍ତ୍ରୀଙ୍କୁ ପାକ ସେନାଙ୍କ ଚେତାବନୀ, ଗାଦୀ ଛାଡ ନହେଲେ …

ଇସ୍‌ଲାମାବାଦ -: ଇମ୍ରାନ ସରକାର ବେଳା ଖରାପ ଚାଲିଛି । ସେ ଯେଉଁଠାକୁ ଯାଉଛନ୍ତି ସବୁଠି ନିରାଶ ହେବାକୁ ପଡୁଛି ହେଲେ ମୁହଁ ଫୁଟାଣି ଛାଡିନି । ପାକିସ୍ତାନ ଗଣମାଧ୍ୟମରେ ପ୍ରକାଶିତ ରିପୋର୍ଟରେ କୁହାଯାଇଛି ଯେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ବହିଷ୍କାର କରିବାକୁ ନିଷ୍ପତ୍ତି ସେନାମୁଖ୍ୟ ବାଜୱା ଏବଂ ତିନି ଜଣ ବରିଷ୍ଠ ଲେଫ୍‌ଟନାଣ୍ଟ ଜେନେରାଲ ଏକ ବୈଠକରେ ନେଇଥିଲେ ଯାହା ସେନା ମୁଖ୍ୟ ତଥା ଲେଫ୍‌ଟନାଣ୍ଟ ଜେନେରାଲ ନଦୀମ ଅଞ୍ଜୁମ, ଇଣ୍ଟର ସର୍ଭିସେସ ଇଣ୍ଟେଲିଜେନ୍‌ସର ମହାନିର୍ଦ୍ଦେଶକ ଇମ୍ରାନ ଖାନଙ୍କୁ ଭେଟିବା ପରେ ହୋଇଥିଲା ।

ଚଳିତ ମାସରେ ଇସଲାମାବାଦରେ ହେବାକୁ ଥିବା ଇସଲାମିକ ସହଯୋଗ ସଂଗଠନ (ଓଆଇସି)ର ଶିଖର ସମ୍ମିଳନୀ ପରେ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କୁ ଇସ୍ତଫା ଦେବାକୁ କହିଛନ୍ତି ପାକିସ୍ତାନର ସେନାମୁଖ୍ୟ ଜେନେରାଲ କମର ଜାଭେଦ ବାଜୱାଙ୍କ ନେତୃତ୍ୱରେ ଥିବା ପାକିସ୍ତାନ ସେନାର ଶୀର୍ଷ ମଣ୍ଡଳୀ ।
ଇମ୍ରାନଙ୍କ ପାକିସ୍ତାନ ତେହରିକ-ଏ-ଇନସାଫ (ପିଟିଆଇ) ଆଶା କରୁଥିଲା ଯେ ପ୍ରଧାନମନ୍ତ୍ରୀଙ୍କ ନିର୍ଦ୍ଦେଶରେ ପୂର୍ବତନ ସେନା ମୁଖ୍ୟ ଜେନେରାଲ ରାହିଲ ସରିଫଙ୍କର ବାଜୱାଙ୍କୁ ସାକ୍ଷାତ ପିଟିଆଇ ସରକାରଙ୍କୁ ବଞ୍ଚାଇବ । ତେବେ ଜେନେରାଲ ରାହିଲ ତାଙ୍କ ମିଶନରେ ବିଫଳ ହୋଇଥିଲେ ବୋଲି ପାକିସ୍ତାନୀ ଗଣମାଧ୍ୟମ ଦାବି କରିଛି ।
ଏହି ପରିପ୍ରେକ୍ଷୀରେ ବିରୋଧୀ ଦଳ ଇମ୍ରାନ ସରକାରଙ୍କ ବିରୋଧରେ ଅନସ୍ଥା ପ୍ରସ୍ତାବ ଆଗତ କରିଥିବା ବେଳେ ଇମ୍ରାନ ଶୁକ୍ରବାର ଦିନ ସେନା ମୁଖ୍ୟ ବାଜୱାଙ୍କୁ ଭେଟିଥିଲେ । ଏହି ବୈଠକରେ ଦେଶର ରାଜନୈତିକ ପରିସ୍ଥିତି ଉପରେ ଆଲୋଚନା କରାଯାଇଥିଲା । ସ୍ଥାନୀୟ ଗଣମାଧ୍ୟମ ରିପୋର୍ଟ କରିଛି ଯେ ଏହି ବୈଠକରେ ପାକିସ୍ତାନରେ ହେବାକୁ ଥିବା ଓଆଇସି ଶିଖର ସମ୍ମିଳନୀ, ବେଲୁଚିସ୍ତାନରେ ଚାଲିଥିବା ଅଶାନ୍ତି ଏବଂ ଇମ୍ରାନ ଖାନ ସରକାରଙ୍କ ବିରୋଧରେ ଅନାସ୍ଥା ପ୍ରସ୍ତାବ ଅନ୍ତର୍ଭୁକ୍ତ ହୋଇଥାନ୍ତା । କିନ୍ତୁ ଏହି ବୈଠକ ସଫଳ ହୋଇପାରି ନାହିଁ ।
ଉଲ୍ଲେଖଯୋଗ୍ୟ, ପ୍ରଧାନମନ୍ତ୍ରୀ ଇମ୍ରାନ୍ ତାଙ୍କ ଭାଷଣରେ ବିରୋଧୀ ନେତାଙ୍କ ବିରୋଧରେ ଅପମାନଜନକ ମନ୍ତବ୍ୟ ବ୍ୟବହାର ନକରିବାକୁ ବାଜୱାଙ୍କ ପରାମର୍ଶକୁ ପ୍ରତ୍ୟାଖ୍ୟାନ କରିଥିବାରୁ ଇମ୍ରାନ ଖାନ ଏବଂ ପାକିସ୍ତାନ ସେନା ମଧ୍ୟରେ ଫାଟ ସୃଷ୍ଟି ହୋଇଛି ।