ଗତ କିଛି ଦିନ ହେବ ବିଶ୍ୱ ବ୍ୟାପି ଯେମିତି ପ୍ରକୃତି ତା ତାଣ୍ଡବ ରଚିବାରେ ଲାଗିଛି ସେଗୁଡିକୁ ହୁଏତ ନିଜ ଆଖିରେ ଥରେ ନଦେଖିଲେ ବିଶ୍ୱାସ କରିହେବ ନାହିଁ । ଅବଶ୍ୟ ଏଗୁଡିକର ଅନେକ ଭିଡିଓ ମାନ ଟିଭି ତଥା ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଭୂକମ୍ପ, ଜ୍ୱାଳାମୁଖୀ, ତୋଫାନ, ବାଦଲ ଫାଟିବା ସୁନାମି ପରି ମହା ବିପଦ ଗୁଡିକ ତ ଅନେକ ବଡ ବଡ ସହର ଗୁଡିକୁ ବର୍ବାଦ କରିଦେଇଛି । ଏହା ସହ ହଜାର ହଜାର ସଂଖ୍ୟକ ମଣିଷ ମାନଙ୍କର ବି ଜୀବନ ନେଇଛି । ଆଉ ବର୍ତ୍ତମାନ ସମୟରେ ସୁନାମି ପରି ଏକ ପ୍ରାକୃତିକ ବିପର୍ଯ୍ୟୟର ଭିଡିଓ ଖୁବ ଭାଇରାଲ ହେବାରେ ଲାଗିଛି ।
ଟ୍ୱିଟର ହ୍ୟାଣ୍ଡଲ @TheFigenରେ ଏକ ଆଶ୍ଚର୍ଯ୍ୟ କରିଦେବା ଭଳି ଭିଡିଓଟିକୁ ପୋଷ୍ଟ କରାଯାଇଛି । ଏହି ନିକଟରେ ହିଁ ଏହି ଭିଡିଓଟିକୁ ସେୟାର କରାଯାଇଛି । ଯାହାକୁ ଦେଖିଲେ ଆପଣଙ୍କ ଲୋମ ଟାଙ୍କୁରୀ ଉଠିବ ।୨୦୧୧ ମସିହାରେ ଜାପାନରେ ଏକ ଭୟଙ୍କର ସୁନାମି ହୋଇଥିଲା । ସମୁଦ୍ର ପଟରୁ ଦ୍ରୁତ ବେଗରେ ପବନ ବୋହିବାକୁ ଲାଗିଥିଲା । ଆଉ ଧୀରେ ଧୀରେ ସବୁକିଛି ନଷ୍ଟ ହୋଇଯାଇଥିଲା । ସୁନାମିଯେ କେତେ ଭୟଙ୍କର ହୋଇପାରେ ତାର ଉତ୍ପାତ ଯେ କେତେ ଭୟଙ୍କର ହୋଇପାରେ ତାହା ଭିଡିଓରୁ ସ୍ପଷ୍ଟ ହୋଇପାରିବ । ଆପଣ ଦେଖିପାରିବେ ସମୁଦ୍ରର ସ୍ତର କେତେ ବଢିଯାଉଛି । ତାହା ଏତେ ଉପରକୁ ଉଠିଯାଉଛିଯେ ତାହା ବାଡ଼ର ସେପଟକୁ ଯାଇ ସଡକକୁ ମାଡିଯାଉଛି । ଆଉ ଏବେ ରାସ୍ତାରେ ପୁରା ପାଣି ହୋଇଉଠୁଛି । ଖାଲି ସେତିକି ନୁହେଁ ପାଣିର ତେଜ ବଢି ବଢି ଚାଲିଥିବାରୁ ବଡ ବଡ ନୌକାରେ ପାଣି ଭର୍ତ୍ତି ହୋଇ ଶହର ମଧ୍ୟକୁ ପଶି ଆସୁଛି । ଆଉ ଉଚ୍ଚ ଉଚ୍ଚ ଖମ୍ବ ସହିତ ପିଟି ହୋଇ ଦୁର୍ଘଟଣା ଘଟୁଛି । ରାସ୍ତା କଡରେ ଛିଡା ହୋଇଥିବା କିଛି ଲୋକ ପୁରା ଘଟଣାକୁ ରେକର୍ଡ କରିବାକୁ ଚେଷ୍ଟା କରୁଛନ୍ତି । ଭିଡିଓଟିକୁ ଏଯାବତ ୬ ଲକ୍ଷରୁ ଅଧିକ ଲୋକ ଦେଖିସାରିଲେଣି । ଯେବେକି ହଜାରେରୁ ଅଧିକ ଲୋକ ଲାଇକ କରିବା ସହିତ ରିଟ୍ୱିଟ କରିଛନ୍ତି । କିଛି ଲୋକ ଭିଡିଓ ଉପରେ କମେନ୍ଟ କରି ନିଜ ନିଜ ପ୍ରତିକ୍ରିୟା ରଖିଛନ୍ତି । କିଛି ଲୋକ କହିଛନ୍ତିଯେ ପାଣିର ରଙ୍ଗ ଏତେ କଳା କିପରି ହେଲା ? ଯେବେକି ଆଉଜଣେ କହିଛନ୍ତିକି ଯେବେ ସୁନାମି ଭୂମି ସହିତ ଧକ୍କା ଖାଏ ସେସମୟରେ ସବୁ ଅଳିଆ ଆବର୍ଜନା ନିଜ ଆଡକୁ ନେଇଯାଏ ।